A Limpar o Mundo é unha campaña global que incentiva ás comunidades a que limpen, reparen e conserven o seu medio ambiente.
Do 17 ao 19 de setembro de 2010 celebraráse a Fin da Semana de A Limpiar o Mundo baixo o lema “As Comunidades cuidan da Natureza”.
Consulta o mapa global. e anímate a participar!
A Fundación Aspace-Sur acaba de publicar o cómic “Hazte voluntario. Ayuda a personas con parálisis cerebral”, para sensibilizar especialmente á xente máis nova e atraela ao voluntariado de axuda a persoas con parálise cerebral.
O autor, Alejandro Milá, preparou un cómic que pode ser utilizado como material educativo para a sensibilización e que ademáis orienta ás persoas que están pensando na posibilidade de facer este tipo de accións voluntarias.
Descarga o cómic "Hazte voluntario. Ayuda a personas con parálisis cerebral"
Setembro chega cargado de celebracións europeas, mundiais e internacionais entre as que están estas: (pouco a pouco ampliarei recursos sobre cada unha delas)
2: Día da Cidade Autónoma de Ceuta
8: Día internacional da Alfabetización. Día de Asturias. Día de Extremadura
9: Ano Novo Xudeo (5771)
10: Día internacional para a Prevención do Suicidio. Remata o Ramadán
11. Festa en Cataluña
13. Día Mundial do Linfoma. Día internacional da Democracia
16: Día Internacional da Preservación da capa de Ozono
21: Día Internacional da Paz. Día Mundial do Alzheimer
22: Día Europeo sen coche
23: Día Internacional contra a Explotación e o Tráfico de Mulleres. Comeza o outono
26: Día Europeo das linguas. Día Mundial do Corazón
Última semana: Día Mundial do Mar e Día Mundial Marítimo
27: Día internacional das persoas xordas. Día Mundial do turismo
28: Día Mundial da Rabia
30: Día Mundial das enfermedades da Retina
Xa estamos de volta, un ano máis, e non son poucos.
Sen síndrome postvacacional pero con nervios e ilusións neste novo curso que se presenta pois vai conter unha manchea de novos retos para min.
Opos aprobadas, nova especialidade, novos compañeiros, novo cole, nova vida,... mooooooitas cousas. Agardo non defraudar sobre todo a aquelas persoas que me queren e que confían en min. Agardo seguir sendo (cando menos intentar ser) un bo exemplo a seguir en canto aos meus principios e ideais éticos e morais: respecto ás persoas e ao medio ambiente, tendo en conta a igualdade de oportunidades e os dereitos dos seres humanos e da infancia. Con todo isto, que non é pouco, doume por satisfeita!
Apertas á comunidade educativa! Feliz comezo de curso
Despois de ler un artigo escrito por Andrea Giráldez na revista Eufonía nº 50 da Editorial Graó non dudei en integrar os seus enlaces no meu blog.
Así nace un novo tema en Amaral, recursos que leva por título "Música e cidadanía" no meu intento de aportar aqueles proxectos representativos destes ámbitos.
http://amaral.blogia.com/temas/musica-e-cidadania.php
Magic Me é unha organización fundada no Reino Unido en 1989. A maxia dos seus programas, basados no desenvolvemento comunitario a través da arte e a prevención social de colectivos en risco de exclusión, permite reunir a xente nova e adulta favorecento o entendemento mutuo, a aprendizaxe e o placer de convivir e crear en harmonía.
"Tocar e loitar" é un documental que se adentra nas entrañas dun recoñecido proxecto orquestral e social: o Sistema de Orquestras Xuvenís e Infantís de Venezuela.
Este film é a historia dun soño musical que actualmente agrupa a máis de douscentos corenta mil nenos/as e adolescentes de Venezuela e outros países latinoamericanos, e conta a historia de seis deles e o seu amor pola música.
Nesta web atopamos información sobre o documental, así como o tráiler, novas e un formulario de contacto.
A Fundación Yehudi Menuhin de España é, se cabe, máis coñecida por ser a responsable do Proxecto MUS-E, ideado polo famoso violinista e implantado en máis de catrocentas corenta e tres escolas de quince países de Europa dende que se iniciara no ano 1994 en Suiza. Sen embargo, nos últimos anos tamén desenvolve unha intensa labor social e de voluntariado a través da música e as artes, tanto en España cmo nalgúns países con un elevado nivel de pobreza.
A web inclúe información xeral sobre a Fundación, así como sobre os diversos programas que se desenvolven actualmente.
A Asociación Nacional de Escolas Comunitarias nas Artes, o Centro Nacional para o Envellecemento Creativo e o Centro de Artes Escénicas de Nova Jersey (Estados Unidos) desenvolve este programa dentro dunha longa traxectoria ademáis dunha destacada vocación de servizo.
Convencidos de que as persoas e as comunidades obteñen importantes beneficios mediante a participación en programas artísticos, en particular se están dirixidos por artistas-educadores/as profesionais, comezaron a súa andaina no ano 2006 e dende entón seguen a desenvolver unha importante labor.
Na súa web incorporouse recentemente a Guía de recursos para as artes e o envellecemento, un material diseñado para dous ámbitos: o das artes e o dos servizos para as persoas de máis idade. A guía ofrece consellos detallados así como exemplos de cómo crear, implementar e evaluar programas comunitarios nas artes, dirixidos a persoas maiores.
Foto tomada da Páxina ONU donde atoparemos máis información e moitos máis enlaces sobre a celebración do Día Internacional das Poboacións Indíxenas.
Mensaxe do secretario xeral de 2010, Ban Ki-moon:
"Os pobos indíxenas do mundo preservan un vasto acervo histórico e cultural da humanidade. As linguas indíxenas representan a maioría dos idiomas do mundo e os pobos indíxenas heredaron e legaron un rico patrimonio de coñecementos, formas artísticas e tradicións relixiosas e culturais. Neste Día Internacional dos Pobos Indíxenas do Mundo reafirmamos o noso compromiso co seu benestar."
Máis enlaces:
Material de referencia (documentos, folletos, publicacións,... da ONU)
Ban Ki-moon aboga por acabar con las pruebas nucleares en 2012 (6-08-10)
O 25 de xullo celebramos o día da nosa patria, en palabras de Castelao:
"a maior festa de Galicia, a festa de todos os galegos e galegas"
Todo sobre o Himno Galego "Os Pinos"
Rápida historia sobre o escudo e a bandeira
Bandeira da serea definida por X. L. Méndez Ferrín, recentemente galardoado co premio Fernánez Latorre:
Neste escudo elimínase o elemento contrarreformista do copón e o Santísimo Sacramento, e o mesmo se fai coas sete cruces das sete provincias representativas do Antigo Réxime. Igualmente, a coroa real desaparece como é regra en réxime de República. No escudo de Castelao hai unha fouce de ouro, que acumula no seu simbolismo a herdanza céltica e a rebeldía dos agrarios e dos irmandiños. No chefe da fouce de ouro campa unha estrela vermella de cinco puntas (nada que ver coa de David). É a estrela da Liberdade e do Socialismo. O escudo é abrazado por un tenente que é serea de longa cabeleira que, polo baixo, ensina, atrevida e algo bulrista, o rabo de pixota. O escudo da serea, da fouce e da estrela leva, no deseño de Castelao, unha lexenda: DENANTES MORTOS QUE ESCRAVOS. Coido que algún día este será o escudo oficial de Galicia.
Durante a guerra de España o Batallón Galego do V Rexemento XI División de Líster púxolle unha estrela vermella de cinco puntas á súa bandeira azul e branca de combate. Na clandestinidade do franquismo, a UPG e a ANPG tamén impuxeron a estrela vermella de cinco puntas no centro da bandeira, co cal lle deron unha nota de viveza e de cor que suxería a máis Liberdade e a máis internacionalismo. Os mozos nacionalistas díronlle en chamar á bandeira galega coa estrela vermella, "bandeira da Patria".
Hoxe é un día especial! Digo é porque non rematou e é especial por moitas cousas.
Hoxe quixera instaurar un día no mundo, un día internacional,... cando menos no mundo de Amaral, recursos o 23 de xullo sempre será o "Día da Lavandeira".
Hoxe souben que tiña a praza, xa son mestra-funcionaria. É unha ledicia, máis hai algo que me apena porque me falta a persoa que máis fixo por min e por este logro (...)
Aínda así, hoxe descubrín moitas cousas, espero non esquecerme de moitas delas...
Hoxe felicitoume unha morea de xente, grandes amizades e profesionais aos que admiro profundamente, persoas incluso que non coñezo en persoa pero que xa somos seguidor@s twitteiros.
Un saludo ao meu equipo de colegas blogfesores en Twitter!
Moitas grazas a todo o mundo polas felicitacións e cariños!
Moitas grazas en especial ao meu pai, ao meu irmán e familia
Grazas a Ro: o meu amor, o meu amigo incondicional, compañeiro imprescindible nestes intres... Grazas!
Hoxe achegóuseme unha lavandeira e nese momento pensei en ti, ma, estou segura de que a enviaches ti. Grazas, grazas por todo, por todo canto teño e me das día a día!
(...)
Buscando sobre lavandeiras atopei:
Este precioso blog Lavandeira 1968
Varias referencias á canción de Fuxan os Ventos "Lavandeira de noite" versionada por Carlos Núñez e cantada marabillosamente por Noa.
Unha linda páxina con todo tipo de información sobre lavandeiras
Lembro lendas de avoas que dicían que as lavandeiras son símbolos de boa sorte porque unha delas lle deu de beber a Cristo na cruz e el ofreceulles ese don a cambio para sempre.
Tamén hai lendas que din que atopala pola noite preto da présa de lavar roupa auguran mala sorte, morte prematura ou aborto, ése é o tema da canción antes mencionada.
A min, as lavandeiras sempre me gustaron, pode que den sorte, non o sei, o que sei é que dan alegría!
Lavandeiriña bonita,
se voas ao ceo,
atopa a miña nai
e dille que lle quero!
Nestes días celébrase en Viena a Conferencia Mundial da SIDA coa que se pretende resaltar o forte vínculo entre Dereitos Humanos e VIH.
Esta conferencia está servindo de marco para diversas propostas e numerosas voces que reclaman máis estratexias para combater a enfermidade que causa cada ano a morte de 2,7 millóns de persoas.
Máis de 20.000 persoas delegadas comparten estos días conclusións, experiencias, propostas e novidades no ámbito da loita contra o VIH e a SIDA. de todo o que se está tratando esta semana (última de xullo) en Viena, resaltan cinco puntos importantes:
- A ONU reclama unha intensificación dos esforzos contra o virus
- A xente máis nova lidera a revolución na prevención do VIH
- Un xel microbicida para mulleres podería recudir a propagación da SIDA
- Estáse reducindo a tasa de transmisión do VIH de nai a fillo/a
- Urxe a necesidade de mellorar os tests de VIH entre a infancia
Esta información foi recollida neste artigo de SAVE THE CHILDREN.
A páxina web ofrece tamén
Vídeo-documental "Lifelines" co que nos sumerximos, a través do testimonio de Thapelo, na realidade dos nenos e nenas en Sudáfrica aos que a SIDA lles obriga a coidar dos seus pais e das súas nais.
Orgullo e prexuizo dende Brasil: Rafael nos conta como está logrando superar o estigma social que lle supuxo ser VIH positivo
Rematou o Mundial de Fútbol. Xa temos campións, xa SOMOS campións do MUNDO!
Enlaces donde podemos realizar distintas actividades relacionadas co Mundial de Fútbol:
Estupenda páxina adicada á autora onde podemos atopar máis de 50 poemas, a súa biografía, manuscritos e incluso a súa voz.
Poetisa infantil e implicada social que apostaba por un mundo en paz.
| El día que se implante la Paz, | ||
| sobre la Tierra | ||
| caerá una nevada tenaz | ||
| y duradera. |
O seu afán pedagóxico fixo aprendernos as táboas de multiplicar e unha infinidade de trucos ortográficos:
| Verso para la ortografía | ||
| a lavar ropa con uve, | ||
| alabar a Dios con be. | ||
| Huevo con hache y tomate | ||
| apto de aptitud con pe... |
Gloria: Benvida a Amaral, recursos. Encantada e orgullosa de terte entre nós!
A Asamblea Xeral das Nacións Unidas declarou o 18 de xullo como o "Día de Mandela", que conmemora a contribución de Nelson Mandela á liberdade mundial.
A resolución foi presentada polo embaixador de Sudáfrica, Basso Sangqu, quen defendeu ao seu presidente como un icono dos ideais da ONU.
A data coincide co aniversario de Mandela, que no 2010 cumplirá 91 anos.
Varias asociacións caritativas de Sudáfrica levaban loitando moito tempo pola declaración deste día.
Ademáis, fan un chamamento para que cada persoa dedique 67 minutos da súa vida a unha boa causa, en relación aos 67 anos de Mandela como activista.
Esta información foi recollida neste enlace
Máis info:
Hoxe comezan as miñas vacacións, pode que as máis longas da miña vida, xamáis rematei as oposicións a estas alturas, se cabe, xa era hora.
Unha aperta a toda a comunidade blogfesora e twitteira: xa estou de volta, como de volta está xa o cartel de PECHADO POR OPOSICIÓNS.
A partir de hoxe: ABERTO POR VACACIÓNS!
