A SEMANA INTERNACIONAL SEN TELEVISIÓN (23-29 DE ABRIL)

No Estado español consúmese un promedio de 3 horas e media de TV por persoa e día.

 

A televisión illa ás persoas e deteriora o medio ambiente ao incitar constantemente a un consumo irracional, polo que é necesario denunciar o papel que cumpre na destrución do planeta.

 

Que sucedería se no sitio de estar fronte ao televisor invertéramos o noso tempo en outras cousas?

 

Imos participar na semana internacional sen televisión (do 23 ao 29 de abril), unha oportunidade para repensar o seu papel.

 Entre todos e todas imos realizar unha grande lista de cousas que podemos facer en vez pasar a tarde vendo a tele.Ofrecemos unhas cantas, porque as ideas son infinitas...  

1. Vai dar un paseo pola beira do río.
2. Aprende a tocar un instrumento musical
3. Comeza un diario
4. Aprende a facer pan
5. Escribe unha carta

Anímate e aporta as túas ideas en forma de comentario, serán moi útiles para empezar a practicalas na próxima semana; a semana internacional sen televisión.

E se queres máis información sobre temas de ecoloxía, podes botar unha ollada a esta páxina onde hai máis ideas e propostas sobre esta e outras iniciativas.

 http://www.ecologistasenaccion.org/spip.php?rubrique369 

9 DE MAIO: DÍA DE EUROPA

QUE É O DÍA DE EUROPA?        

O 9 de maio de 1950 nacía a Europa comunitaria nun momento sumamente difícil: existía a amenaza dunha terceira guerra mundial.        

Ese día, en París, mandouse reunir a tódolos membros de comunicación ás 6 da tarde, no Salón do Reloxo do Ministerio de Asuntos Exteriores, para realizar un anuncio moi importante. O Ministro francés, Robert Schuman, comenzou a ler a Declaración que propuña crear unha institución europea supranacional encargada de administrar dúas materias primas: o carbón e o aceiro (materiais que eran a base das potencias militares) e establecer os cimentos concretos dunha federación europea indispensable para o mantemento da paz.Todo empezou ese 9 de maio e por iso, no Cume de Milán de 1985, os xefes de Estado e do goberno decidiron declarar ese día como o “Día de Europa” 

QUE FAI A UNIÓN EUROPEA?        

A Unión Europea promove, mediante o establecemento dun mercado común e a progresiva aproximación das políticas económicas dos Estado membros, un desenvolvemento harmonioso das actividades económicas no conxunto da comunidade, unha expansión continua e equilibrada, unha estabilidade creciente, unha elevación acelerada do nivel de vida e relacións máis estreitas entre os Estados que a integran.  

Se queres informarte máis sobre este tema, recomendamos esta páxina

http://www.eneuropa-asisomos.com/

Se queres xogar aprendendo cousas do noso continente preme neste enlace e disfruta

http://europa.eu/europago/welcome.jsp  

QUE PAISES SE UNIRON?        

O 13 de decembro de 2002 iniciouse unha das etapas máis importantes da historia europea ao decidir a adhesión de dez novos países á Unión Europea a partir do 1 de maio de 2004.

 

Saberías decir cales foron eses dez países?

Como axuda aquí tes a primeira e última letra dos seus nomes e as súas capitais... Contesta en forma de comentario. 

1. R_______A C___A: Praga
2. C____E: Nicosia
3. E________A: Bratislava
4. E_______A: Liubliana
5. E_____A: Tallin
6. H_____A: Budapest
7. L_____A: Riga
8. L______A: Vilnius
9. M___A: Valetta
10. P_____A: Varsovia

CAPITAIS DE PAÍSES EUROPEOS

CALES SON AS CAPITAIS DE...

1. Bélxica
2. Dinamarca
3. España
4. Italia
5. Grecia
6. Suecia
7. Luxemburgo
8. Francia
9. Portugal
10. Hungría
11. Reino Unido
12. Austria