Catro hitos na historia mundial marcan o Día Internacional da Muller: un levantamento de mulleres rusas, unha ocupación de traballadoras neoiorquinas, unha protesta de mulleres de Manhattan e unha conferencia internacional de mulleres en Dinamarca.
Instituido polas Nacións Unidas dende 1975, o 8 de marzo se celebra como o Día Internacional da Muller. Existen 4 versións frente a orixe da conmemoración:
A loita dunhas traballadoras estadounidenses en 1857. decenas de obreras da industria de telas do baixo Manhattan lanzáronse a protestar polas penosas condicións de traballo que tiñan. A policía enfrentouse a elas. Moitas quedaron graves e algunhas morreron.
Manifestación masiva das mulleres rusas en 1917. Ao tomar as rúas de Petrogrado, as mulleres precipitaron a Revolución. As rusas levantáronse en contra da guerra que causara o falecemento de dous millóns de soldados rusos. Catro días despois da manifestación masiva “Por pan e paz” (8 de marzo), o zar foi obrigado a renunciar, e co goberno provisional as mulleres lograron o dereito ao voto.
Un grupo de obreras textiles ocuparon unha fábrica en New York en 1908 demandando un horario de 10 horas diarias (ata entón era de 16). A resposta dos donos da fábrica foi brutal e ordearon queimar o local no que estaban as mulleres. Morreron 129 obreiras.
O 8 de marzo de 1910 celebrouse a Conferencia Internacional das Mulleres Socialistas en Copenhague, Dinamarca. Alí a alemana Clara Zetkin (integrante do sindicato Internacional de Obreiras da Confección) demandou instituir o Día Internacional da Muller para reclamar os dereitos políticos, civiles e económicos de todas as mulleres do mundo.
0 comentarios