Blogia
AMARAL, RECURSOS

Música e Cidadanía

Novo tema en Amaral, recursos: Música e cidadanía

Novo tema en Amaral, recursos: Música e cidadanía

Despois de ler un artigo escrito por Andrea Giráldez na revista Eufonía nº 50 da Editorial Graó non dudei en integrar os seus enlaces no meu blog.

Así nace un novo tema en Amaral, recursos que leva por título "Música e cidadanía" no meu intento de aportar aqueles proxectos representativos destes ámbitos.

http://amaral.blogia.com/temas/musica-e-cidadania.php

 

Magic Me

Magic Me

Magic Me é unha organización fundada no Reino Unido en 1989. A maxia dos seus programas, basados no desenvolvemento comunitario a través da arte e a prevención social de colectivos en risco de exclusión, permite reunir a xente nova e adulta favorecento o entendemento mutuo, a aprendizaxe e o placer de convivir e crear en harmonía.

www.magicme.co.uk

Tocar e loitar

Tocar e loitar

"Tocar e loitar" é un documental que se adentra nas entrañas dun recoñecido proxecto orquestral e social: o Sistema de Orquestras Xuvenís e Infantís de Venezuela.

Este film é a historia dun soño musical que actualmente agrupa a máis de douscentos corenta mil nenos/as e adolescentes de Venezuela e outros países latinoamericanos, e conta a historia de seis deles e o seu amor pola música.

Nesta web atopamos información sobre o documental, así como o tráiler, novas e un formulario de contacto.

www.tocaryluchar.com/es/index.html

Fundación Yehudi Menuhin-España

Fundación Yehudi Menuhin-España

A Fundación Yehudi Menuhin de España é, se cabe, máis coñecida por ser a responsable do Proxecto MUS-E, ideado polo famoso violinista e implantado en máis de catrocentas corenta e tres escolas de quince países de Europa dende que se iniciara no ano 1994 en Suiza. Sen embargo, nos últimos anos tamén desenvolve unha intensa labor social e de voluntariado a través da música e as artes, tanto en España cmo nalgúns países con un elevado nivel de pobreza.

A web inclúe información xeral sobre a Fundación, así como sobre os diversos programas que se desenvolven actualmente.

www.fundacionmenuhin.org

A creatividade importa: guía de recursos para artes e persoas maiores

A creatividade importa: guía de recursos para artes e persoas maiores

A Asociación Nacional de Escolas Comunitarias nas Artes, o Centro Nacional para o Envellecemento Creativo e o Centro de Artes Escénicas de Nova Jersey (Estados Unidos) desenvolve este programa dentro dunha longa traxectoria ademáis dunha destacada vocación de servizo.

Convencidos de que as persoas e as comunidades obteñen importantes beneficios mediante a participación en programas artísticos, en particular se están dirixidos por artistas-educadores/as profesionais, comezaron a súa andaina no ano 2006 e dende entón seguen a desenvolver unha importante labor.

Na súa web incorporouse recentemente a Guía de recursos para as artes e o envellecemento, un material diseñado para dous ámbitos: o das artes e o dos servizos para as persoas de máis idade. A guía ofrece consellos detallados así como exemplos de cómo crear, implementar e evaluar programas comunitarios nas artes, dirixidos a persoas maiores.

http://artsandaging.org/espanol/